Nire izena Me da. Ez, ez da ingelesez “mi” ahoskatzen dena, ezta
gazteleraz, posesiboa. Bai, arraroa da, zer egingo diot ba!!, baliteke arbaso Koptoak
izatea.
Ba, hori, Me da nire izena, eta lagun bat daukat Alfa izenekoa (hara,
bestea!!!!). Alfa oso pertsona irekia da, zoriontsua. Normalean jende guztia
egiten duena egiten du berak ere, baina beti modu diferente batean, beti
jartzen dio egiten duenari bere kutsu pertsonala.
Adibidez, hiriburura dokumentu garrantzitsu baten bila joan behar izan
zuen batean, 60 kilometroak kotxez joan-etorri egin zitzakeen, edo trenez,
zuzenean. Baina, ez. Auto-stop-ez abiatu zen hiriburutik 20 km-tara dagoen
herri batetara, handik autobusa hartu eta helmugara iritsi. Noski, ez zen
garaiz iritsi eta galdu zuen eguna. Baina, bueltatzerakoan, bidaia kontatu
zidan, Marco Polo-ren bat balitz bezala, bidai harrigarria.
Hurrengo egunerako, tranbia hartzea erabaki zuen, denbora nahikoarekin.
Baina, nola ez!, zer edo zer diferente egin behar zuen: motxila batean arropa
pieza batzuk sartu zituen, lau liburu, nezeserra, koaderno eta boli bat. Trena
hartu eta, handik ordu betera hiriburuan zegoen. Gestioa egin eta itzuli egin
zen trenez. Denetara, lau orduko bidaia. Bazkaltzeko orduan, etxean zegoen.
Arratsalde hartan, berarekin nengoela, hiru ordutako solasaldia izan genuen,
benetako Transiberiano bidaia kontatu zidalarik.
Honelakoa zen Alfa.
Lehengo egunean berarekin geratu nintzen atzorako “Bar” izeneko
tabernan. Orduan, atzo medikuarengana joan behar zuela esan zidan, eta ea gero elkartuko
ginen. Aspaldi egon gabe eta. Medikuarengana? Bai. Belarriekin ez zegoela oso gustura
azken bolada honetan, eta ea ezinegon horretarako erremediorik ematen zion
medikuak.
Alfa ezagututa, gogotsu nengoen eta jakin-minez, nola antolatuko zuen
bisita pentsatzerakoan.
“Bar” tabernara iritsi nintzenean, Alfa, gure laguna Omega-rekin joanda
zegoela medikuarengana esan zidan tabernariak.
Hori bai ona!!!!. Dirudienez, Alfak konbentzitu zuen Omega, ez bakarrik
medikuarengana laguntzeko, baizik eta, … Omegak, berak, belarriak begiratzeko
ere!!!!!!
Omega pertsona konformista esaten zaion horietakoa zen. Hauxe egin
behar da, ba …, egiten da. Ez dago hau zergatik egin beharrik, ba …, ez da
egiten. Omegak ez zeukan ezer belarrietan. Zergatik edukiko zuen? Orduan,
zergatik joan Alfarekin belarriak begiratzera?
Gauza hauek Omegari ez zitzaizkion batere gustatzen. “Ez badut ezer
belarrietan ez daukat zergatik medikuengana joan beharrik”, pentsatuko zuen.
Baina, gero, eta Alfaren ilusio eta gogoa ikusitakoan: “ horrelako poza
adierazten badu Alfak, zergatik ez naiz joango?. Eta, joan.
Berriro lortu zuen Alfak, gauza normal bat zerbait ezberdin bihurtu.
Enparantzan zehar gerturatzen ari ziren “Bar” tabernarantz. Omega serio
ikusten ari nintzen, desegoki eta ziurtasun eza adierazten zituzten buru eta
beso mugimenduak eginez. Alfa, irritsu, trebe eta seguru zihoan ibiltzen:
OMEGA: “Hau dek hau, zorte txarra!!!!! Nengoen bezain ondo egonda, nola
bururatu zitzaidan niri medikuarengana joatea?”
ALFA: “Benga, txo!!!. Hiretzat ona izan dek, eta!!!!!!!”
OMEGA: “Nola ona izan dela, bai niretzat edo hiretzat?????
ME: “Beno, beno, zer dek hau?. Zer moduz joan dek zuen bion
belarrietakoa?
OMEGA: “Badakik zer dek? Ni zoragarri negok, ez zaidak ezer gertatzen.
Normal negok. Ez zeuzkiat osasun kezkarik, eta bestelakorik ia ere ez. Baina,
noski, ondo egonik medikuarengana joanez
gero, seguru dek, gero ez haizela ongi. Zer edo zer aurkituko hau, eta
konpontzeko beste zerbait edukiko dek. Lehen kezkatzen ez zintuen zerbait. Asuntoa
dek orain belarrietan tapoiak dauzkadala.”
ME: “Bale, ondo dek. Baina tapoiak kendu egiten dituk eta kitto, ez?”
OMEGA: “Bai, bai, bai, …. Kendu eta kitto!!!!. Baina, hemendik aurrera
adi egon beharko diat tapoiak kentzera joateko, berriro agertu direla iruditzen
bazaidak. Agertu ote dituk, berriro? Hau ez dek izango tapoiarena?. Joan beharko
diat?. Ez diat joan beharko?. Kezkatzeko beste gauza bat….!!!. hau
buruhaustea!!!!!!. Eta errua nirea dek, dena nahasten duen honi segitzeagatik.”
ME: “Lasai, gizon. Gai honek
beste alde egokiagotik ikusteko aukerak ematen dituela iruditzen zaidak!!!!.
Eta hiri, Alfa, zer esan dik medikuak?”
ALFA: “Zoragarri!!!!!!!. Ezin hobeto!!!!!!. Perfekto!!!!!!!. Tapoiak dauzkat
belarrietan!!!!!!!!!!!!. Tapoiak dauzkat belarrietan!!!!!!!!!.
–gogorarazi
zidan iragarki hartako mutikoa:”¡¡¡un palo!!!. ¡¡¡un palo!!!-
Hau zoramena!!!!!. Hemendik
aurrera belarriak arraro xamar sentitzean, medikuarengana joan besterik ez
zeukiat, tapoiak kendu eta, listo. Perfekto!!!!. Hau gozamena!!!!!!. Orain
bazekiat zer egin behar dudan.”
ME: “Joder!!!!!, zuekin ez
zegok aspertzerik!!!!!!.
Zer nahi duzue edateko?”.
OMEGA:” Ostrassss!!!!!. Ahaztu zaidak galdetzea zen den ona
tapoientzat!!!!!!!!!”.
ALFA: “ Nik, tapoi bat
tekila”.
No hay comentarios:
Publicar un comentario